A wee Scottish poem.

A wee Scottish poem ....

Is a dove a doo Dad
Is a doo a dove
Is a cow a coo Dad
A sparrow jist a spyug
And is a wall a waw Dad
Is a dog a dug
She's gonnae warm ma ear Dad
Instead o' skelp ma lug.

Ma teacher's awfy posh Dad
She changes aw oor names
Wee Shuggie now is Hugh Dad
And Jimmy's ayeways James
Ah'm scunnered wi' it aw Dad
The way she shoogles words
Ah must be glaickit no 'tae ken
That feathered friends are burds.

Ye learnt me aw wrong Dad
Ye cawd a ball a baw
Your wife is now my Mother
You said it wis ma Maw
Ah'm no share hoo tae spell Dad
Ah'll niver pass ma test
Whit is this ah'm wearin' Dad
A simmet or a vest?

Ah gave ma nose a dicht Dad
When it began tae dreep
She gave me sich a fricht Dad
Ah near fall aff ma seat
Haven't you a handkerchief
She roared as if in pain
No, ah jist yase ma sleeve, Miss
And wiped ma nose again.

Ah cawd a mouse a moose Dad
Ah shid hiv held ma tongue
That's manure oan yir bits Dad
Nae longer is it dung
It's turnips and potatoes
No tatties noo and neeps
She said I've ripped my trousers
When ah'd only torn ma breeks.

There's twa words fir awthin' Dad
They're jumbled in ma heed
Hoo kin I be well bred Dad
When ah keep sayin' breed
Now is a crow a craw Dad
Is a bull a bull
A'll try tae get it richt Dad
I will, I will, ah wull

Thats feckin hard to read!

That's why I added the wee Gaberlunzie clip!  

 

I liked that...

I liked that too but it will only be hard for a few to read as most on hear speak de lingo anyway.

taken from the Cludgey wall